Oralda túrmege tyıym salynǵan zattardy jetkizgen kásipker ustaldy

ORAL. KAZINFORM — Oral qalasyndaǵy № 28 túzetý mekemesine esirtki jáne basqa tyıym salynǵan zattardy zańsyz tasymaldaý deregi anyqtaldy.

BQO prokýratýrasynyń baspasóz qyzmetinen málim etkenindeı, rejımdik talaptardy qamtamasyz etý aıasynda júrgizilgen tekserý barysynda jeke kásipker ustaldy.

Kásipker atalǵan kolonııaǵa marıhýana salynǵan 7 ZIP-paketti, 17 uıaly telefondy, 6 USB-kabeldi, 8 SIM-kartany, aýdıo jáne beınejazba qurylǵysyn ádeıi jasyryn jolmen jetkizgen.

- Ulttyq qaýipsizdik komıtetiniń BQO boıynsha departamenti oblys prokýratýrasynyń úılestirýimen jedel izdestirý is-sharalaryn atqardy. Qazirgi kezde departament sotqa deıingi tergeý amaldaryn júrgizip jatyr, - dep habarlady vedomstvodan.

Eske sala keteıik, budan buryn Oralda túrmede jazasyn óteýshiniń kıimin sheship tastap, jalańash júrgenin jazǵan edik.