Oralda túrmede jazasyn óteýshi kıimin sheship tastap, jalańash júrgen

ORAL. KAZINFORM — Oral qalasyndaǵy № 28 túzetý mekemesinde er adamnyń jalańash jumys istep júrgeni týraly áleýmettik jelide beınejazba tarady. 

BQO boıynsha qylmystyq-atqarý júıesi departamentiniń baspasóz qyzmetinen málim etkenindeı, jazasyn óteýshi mekeme aýmaǵyn abattandyrý jáne qyzmet kórsetý boıynsha mindetti eki saǵattyq jumys isteýge kelispegen. 

— Qarsylyq retinde jazasyn óteýshi kıimin sheship tastaǵan. Atalǵan derek boıynsha qyzmettik tekserý júrgiziledi. Sonyń nátıjesi boıynsha shara qabyldanatyn bolady, — dep habarlady vedomstvodan. 

Eske sala keteıik, budan buryn Oralda túzetý mekemesine tyıym salynǵan zattardy ótkizbek bolǵanyn jazǵan edik.