Oralda túrmede jatqan adam jazasyna taǵy bir jyl qosyp aldy

ORAL. KAZINFORM — BQO-da sottalǵan adam túrmede jatyp taǵy jaýapqa tartyldy.

Memlekettik aıyptaýshynyń ustanymyna saı Qylmystyq kodekstiń 428-1-babynyń 1-bóligine sáıkes (qylmystyq-atqarý júıesi mekemeleri, tergeý ızolıatorlary, ýaqytsha ustaý ızolıatorlarynda beınebaqylaý júıesin, sondaı-aq onyń quramdas bólikterin qasaqana joıý nemese búldirý) sottalǵannyń kináli ekeni dáleldendi.

Sottalǵan adam aýyr qylmys jasaǵany úshin Oral qalasyndaǵy № 28 qaýipsizdigi barynsha joǵary mekemede jazasyn óteý kezinde teris minezimen qaskóı tártip buzýshy bola tura, belgilengen tártipti buzý maqsatynda 2 dana úzdiksiz beınebaqylaý kamerasyna qasaqana zaqym keltirgen.

Sot sottalýshyny kináli dep taýyp, bir jylǵa bas bostandyǵynan aıyrdy.

Memleketke kelgen shyǵyndy óteý týraly talap tolyǵymen qanaǵattandyryldy.