Oralda turǵyn velosıpedti teris otyryp, aıdaǵan
ORAL. QazAqparat – Oralda turǵyn velosıpedti artqa qarap otyryp, aıdaǵan, dep habarlaıdy QazAqparat tilshisi.
Velosıped mingen turǵynnyń qylyǵy áleýmettik jelide qyzý talqylanýda.
Vıdeojazbaǵa qaraǵanda, jigit S.Daýmov kóshesi men Eýrazııa dańǵyly qıylysyn baǵdarshamnyń tyıym salynǵan belgisine qaramastan, qıyp ótken.
Áleýmettik jeli qoldanýshylary vıdeojazbaǵa kóshemen bulaısha júrýdiń qaýipti ekendigin aıtyp, túrli pikirlerin qaldyrýda.
BQO polıtsııa departamentiniń baspasóz qyzmetinen túsken málimetke qaraǵanda, quqyq buzýshy anyqtalǵan kezde QR Ákimshilik quqyqbuzýshylyq kodeksi 599-babyna sáıkes (10 AEK kóleminde aıyppul) jaýapqa tartylatyn bolady.
