Oralda turǵyn úıden 4 mln teńge jymqyrǵan ury ustaldy

ORAL. QazAqparat - Oralda turǵyn úıden 4 mln teńge jymqyrǵan ury ustaldy, dep habarlaıdy QazAqparat tilshisi.

BQO Polıtsııa departamenti baspasóz qyzmetinen túsken málimetke qaraǵanda, ury qojaıyndardyń joqtyǵyn paıdalanyp, qosalqy úı-jaıdyń tory joq kishkentaı terezesin syndyryp kirgen.

«Kúdikti 4 mln teńgege qosa, altyn áshekeı buıymdardy úptep ketken. Jedel-izdestirý is-sharalary barysynda Abaı polıtsııa bóliminiń qyzmetkerleri 43 jastaǵy turǵyndy anyqtap, qolǵa túsirdi. Ol budan buryn da osyndaı qylmysy úshin isti bolǵan. Keıbir buıymdardy arzan baǵamen satyp úlgergen, qalǵany tárkilendi.

Qazirgi kezde QR Qylmystyq kodeksiniń 188-baby 3-bóligine sáıkes sotqa deıingi tergeý amaldary júrgizilýde», - dep habarlady vedomstvodan.