Oralda turǵyn úıdegi órt ornynan qarııanyń máıiti tabyldy
ORAL. QazAqparat – Oralda turǵyn úıdegi órt ornynan qarııanyń múrdesi tabyldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkendeı, oqıǵa 25 qańtar kúni Sh.Artyǵalıev kóshesi 18-mekenjaıynda boldy.
Saǵat 22.22-de tórt páterlik turǵyn úıdiń №1 páteri órtenip jatqany jóninde habar túsken. Jeke zattar, jıhaz, páterdiń tóbesi janǵan. 50 sharshy metrdi qamtyǵan órt kórshi páterdiń shatyryn da sharpyǵan.
Órt ornynan 1932 jylǵy úı ıesiniń denesi tabyldy.
«Tilsiz jaý» saǵat 23.37-de aýyzdyqtaldy. Oǵan departamentten 26 qyzmetker, 8 tehnıka jumyldyryldy.
Oqıǵa ornyna sondaı-aq polıtsııa departamentinen jedel tergeý tobynyń 6 qyzmetkeri 2 tehnıkamen bardy.
BQO densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 22.28-de shaqyrylyp, brıgada 6 mınýttan keıin jetti. Qarııa jedel járdem kelgenge deıin kóz jumdy.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
Buǵan deıin jyl basynan beri 29 órt bolsa, sonyń 16-sy turǵyn úı sektorynda boldy. Órtten bir adam zardap shekti.
Eske sala keteıik, budan buryn Oralda tergeý ızolıatorynyń qyzmetkeri eki adamdy órtten qutqarǵanyn jazǵan bolatynbyz.
