Oralda turǵyn úıde órt bolyp, segiz adam qutqaryldy
ORAL. QazAqparat - Oralda búgin turǵyn úıde órt bolyp, segiz adam qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, Jáńgir han kóshesindegi bes qabatty №11 úıdiń 86-páterinde jeke zattar men jıhaz janyp jatqany jóninde saǵat 16.44-te habar túsken.
Tórtinshi qabatta shyqqan órt aýmaǵy 100 sharshy metrdi qamtydy. Oqıǵa ornynan 8 adam qutqarylsa, sonyń altaýy - bala. Oǵan qosa 25 adam shyǵaryldy.
Órt saǵat 17.40-ta sóndirildi.
