Oralda turǵyn úıde órt bolyp, 40 adam evakýatsııalandy
ORAL. QazAqparat – Oralda turǵyn úıde órt bolyp, 40 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 10.43-te E.Oraqbaev kóshesi 35-úı 18-páterde oryn aldy.
Besinshi qabattaǵy páterde jeke zattar men jıhaz janǵan.
Órt saldarynan osy úıden 40 adam syrtqa shyǵarylsa, sonyń 15-i – balalar.
Órt 11.11-de oqshaýlanyp, 11.25-te sóndirildi. Oǵan 8 adam, 3 tehnıka qatystyryldy.
Zardap shekkender joq.
Qazirgi kezde órttiń shyǵý sebebi, keltirilgen shyǵyn, kináli adam anyqtalý ústinde.
Eske sala keteıik, budan buryn Oraldaǵy qus fabrıkasynda 150 tonnalyq rezervýardyń órtenip jatqanyn jazǵan bolatynbyz.
