Oralda turǵyn úıde órt bolyp, 25 adam kóshirildi
ORAL. QazAqparat - Oral qalasynda turǵyn úıde órt oqıǵasy oryn aldy, dep habarlaıdy «QazAqparat» tilshisi.
BQO TJ departamentinen túsken málimetke qaraǵanda, 27 qańtar kúni saǵat 18.08-de Ábilqaıyr han kóshesi, 101-úıdiń birinshi qabatynda beıimdelgen orynda jeke zattar men avtomobıl dońǵalaqtarynyń tystary janǵan. Órt aýmaǵy 8 sharshy metrdi qamtyǵan. Bes qabatty úıden 25 adam shyǵarylsa, sonyń altaýy - balalar. Olardy kóshirýge Ulttyq ulannyń jeti qyzmetkeri qatysty.
Qazirgi kezde órttiń shyǵý sebepteri, keltirilgen shyǵyn, kináli adamdar anyqtalýda.
QR Ulttyq ulany «Batys» óńirlik qolbasshylyǵynyń baspasóz qyzmeti habarlaǵanyndaı, quramynda Mıras Kárim, Dáýren Saǵyndyqov, Qaıyrǵalı Satybaldy bar top kóshe tynyshtyǵyn kúzetip júrip, atalmysh úıdiń birinshi qabatynan shyǵyp jatqan tútindi baıqaǵan. Bul mezette oqıǵa ornynda órt sóndirýshiler qyzmet etip jatqan. Jedel habar boıynsha áskerı toptar boıynsha kezekshi, aǵa leıtenant Roman Kýharev, patrýldik top basshysy, aǵa serjant Elaman Amanǵulov jáne Álisher Imanǵalı men Jánibek Tileýkerim de jetip, 25 adamdy qaýipsiz jerge shyǵarýǵa járdemdesti.
Óz mindetterin múltiksiz oryndaǵany úshin atalǵan qyzmetkerler áskerı bólim komandırimen yntalandyryldy.
