Oralda turǵyn úı otqa orandy
ORAL. QazAqparat – Oralda turǵyn úı otqa orandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe saǵat 05.35-te L.Tolstoı kóshesi 143-mekenjaıynda oryn aldy.
Salynyp jatqan kóppáterlik úı aýmaǵynda ornalasqan jeke turǵyn úıdiń tóbesi, jeke zattar men múlikter janǵan. Órt aýmaǵy 40 sharshy metrdi qamtydy.
«Tilsiz jaýdy» aýyzdyqtaýǵa 9 adam, 3 tehnıka jumyldyryldy.
Órt 06.17-de oqshaýlanyp, 06.49-da sóndirildi.
Zardap shekkender joq.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
