Oralda turǵyn úı otqa orandy
ORAL. QazAqparat - Oral qalasynda turǵyn úı otqa orandy, dep habarlaıdy QazAqparat tilshisi.
Batys Qazaqstan oblystyq TJ departamenti órt sóndirý jáne avarııalyq-qutqarý jumystary qyzmetinen túsken málimetke qaraǵanda, oqıǵa keshe A.Matrosov kóshesi, 31-mekenjaıynda oryn aldy.
Órttiń bolyp jatqany jóninde saǵat 16.28-de habar túsken. Ol 1960 jylǵy azamatshaǵa tıesili 120 sharshy metrlik úıdegi jeke zattardyń janýynan bastalǵan. Aldyn ala málimetke qaraǵanda, elektr symdarynyń tuıyqtalýynan shyqqan ot qatty janǵan. Oqıǵa ornyna órt sóndirýshiler dereý jetip, «tilsiz jaýdy» aýyzdyqtaýǵa barlyǵy 7 tehnıka, jeke quramnan 21 adam jumyldyryldy. 
Órt saǵat 17.54-te oqshaýlanyp, 19.44-te sóndirildi.
Abyroı bolǵanda, zardap shekkender joq.
Qazirgi kezde órtten kelgen shyǵyn, kináliler anyqtalý ústinde.
