Oralda turǵyn úı órtenip, kúıik shalǵan úsh adam aýrýhanaǵa tústi
ORAL. QazAqparat - Oralda turǵyn úı órtenip, kúıik shalǵan úsh adam aýrýhanaǵa tústi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 4 shilde kúni saǵat 01.36-da Sportıvnaıa kóshesi 5-mekenjaıynda boldy.
Bir qabatty tórt páterlik úıdiń tóbesi (aýmaǵy - 100 sharshy metr) órtenip, opyrylyp túsken. Sosyn jalyn 60 sharshy metr qabyrǵany sharpyǵan. Úıdiń jalpy alańy - 180 sharshy metr.
Órt sóndirýshiler kelgenge deıin 31 jastaǵy úı ıesi (denesin 30 paıyz birinshi dárejeli kúıik shalǵan, jaǵdaıy aýyr), 32 jastaǵy áıeli (15-20 paıyz, ekinshi dárejeli kúıik, hali ortasha), olardyń bıyl týǵan qyzy (15 paıyz, 2-3 dárejeli kúıik, jaǵdaıy ortasha) aýrýhanaǵa jatqyzyldy.
«Tilsiz jaý» saǵat 03.52-de aýyzdyqtaldy.
Qazirgi kezde órttiń shyǵý sebebi anyqtalý ústinde.
Oqıǵa ornyna TJ departamentinen 16 qyzmetker, 5 tehnıka, Oral qalasy polıtsııa basqarmasynan jedel tergeý toby (5 qyzmetker, 1 tehnıka) bardy.
Eske sala keteıik, budan buryn Oralda lıft shahtasyna qulap ketken er adamnyń qútqarylǵanyn jazǵan bolatynbyz.
Sondaı-aq BQO-da segiz jasar bala sýǵa batyp ketti.
