Oralda turǵyn úı órtenip, 83 jastaǵy keıýana aýrýhanaǵa jatqyzyldy
ORAL. QazAqparat – Oral qalasynda turǵyn úı órtenip, 83 jastaǵy keıýana aýrýhanaǵa jatqyzyldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 27 sáýir kúni Jelaev kentinde boldy.
Saǵat 08.44-te Shosseınaıa kóshesi №8 mekenjaıynda turǵyn úıdiń otqa oranǵany jóninde habar túsken.
Órttiń aýmaǵy 120 sharshy metrdi qamtydy.
Oqıǵa ornynan úı ıesiniń 1937 jylǵy anasy joǵary qan qysymymen aýrýhanaǵa jetkizildi.
«Tilsiz jaý» saǵat 09.43-te oqshaýlanyp, 10.12-de tolyqtaı aýyzdyqtaldy. Oqıǵa ornynda órt sóndirý qyzmeti (22 adam, 6 tehnıka), medıtsınalyq apattar ortalyǵy (4 adam, 1 tehnıka), Oral qalasy TJ basqarmasy (1 adam, 1 tehnıka) qyzmetkerleri jumys jasady.
BQO TJ departamenti órt qaýipsizdigi talaptaryn qatań saqtaý kerektigin turǵyndardyń esine salady.
