Oralda turǵyn úı órtenip, 50-ge jýyq adam evakýatsııalandy
ORAL. QazAqparat - Oralda turǵyn úıdegi órtten 48 adam evakýatsııalandy, sonyń jeteýi - balalar, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe saǵat 23.50-de Gagarın kóshesi 2/8 mekenjaıynda ornalasqan 9 qabatty úıde oryn aldy.
Osy úıdiń 6-qabatyndaǵy 25-páterde jeke zattar men tereze jaqtaýy janǵan.
Órt sóndirýshiler 34 adamdy (jeteýi - balalar) syrtqa shyǵarǵan. 14 adamdy qutqarýshylar evakýatsııalaǵan.
«Órt búgin túngi saǵat 00.20-da sóndirildi», dep habarlady QazAqparat tilshisine departamenttiń baspasóz qyzmetinen.
Eske sala keteıik, budan buryn BQO-da mal izdeýge shyqqan turǵyndardyń adasyp ketkenin jazǵan bolatynbyz.
