Oralda turǵyn úı órtenip, 35 adam qaýipsiz jerge shyǵaryldy
ORAL. QazAqparat - 5 jeltoqsan kúni saǵat 20.16-da Jáńgir han kóshesi boıyndaǵy 15-úıde 112-inshi páter órtengen, - dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, tórtinshi qabatta shyqqan órt 25 sharshy metr aýmaqty qamtyǵan. Oqıǵa ornynan 35 adam shyǵarylǵan, sonyń 10-y - balalar. Segiz adam qutqarylsa, sonyń úsheýi - balalar.
Órtti sóndirýge 17 adam, 6 tehnıka jumyldyrylǵan.
Zardap shekkender joq.
Eske sala keteıik, 5 jeltoqsan kúni túste oblys ortalyǵyndaǵy daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq qazaq mektep-ınternaty keshenindegi elektr qalqanynan tútin shyǵyp , 25 adam ǵımarattan shyǵarylǵan bolatyn.
