Oralda turǵyn úı, garaj ben avtokólik órtenip ketti
ORAL. QazAqparat - Oralda avtokólik, garajǵa qosa turǵyn úı órtenip ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa búgin saǵat 11.23-te Lermontov kóshesi, 42 mekenjaıynda boldy.
Aldymen, úıdiń janyndaǵy garajda turǵan «VAZ-2114» avtokóligi janǵan. Odan garaj, sosyn úı otqa orandy.
Jalyn sharpyǵan aýmaq 100 sharshy metrdi qurady.
Órt sóndirýshilerdiń kúshimen 6 ottegi ballony syrtqa shyǵaryldy. «Tilsiz jaý» saǵat 12.17-de oqshaýlanyp, 12.50-de aýyzdyqtaldy. Órtti sóndirýge 28 qyzmetker, 7 tehnıka jumyldyryldy.
Zardap shekkender joq.
Eske sala keteıik, budan buryn Oralda turǵyn úı órtenip, bir adamnyń aýrýhanaǵa jetkizilgenin jazǵan bolatynbyz.
