Oralda turǵyn úıdiń jertólesinen órt shyǵyp, 15 bala evakýatsııalandy

ASTANA. KAZINFORM – Bul týraly QR Tótenshe jaǵdaılar mınıstrliginiń baspasóz qyzmeti habarlady.

Baspasóz qyzmetiniń málimetterine qaraǵanda, Oral qalasynda S.Tıýlenına kóshesi boıynda ornalasqan bes qabatty turǵyn úılerdiń biriniń jertólesinen órt shyqqan.

Alǵashqy bólimsheler kelgen kezde órt 40 sharshy metr alańdy qamtyǵany anyqtaldy.

Órt sóndirýshilerdiń baspaldaq arqyly 40 adam, onyń ishinde 15 balany evakýatsııalandy.

- Órt tolyqtaı sóndirildi. Órt saldarynan eshkim zardap shekken joq, - delingen habarlamada.

Osyǵan deıin Kaspıı jaǵalaýynda 450 gektar aýmaqta qamys órtengenin habarladyq.

- Tótenshe jaǵdaılar departamenti men «Aqjaıyq» memlekettik tabıǵı rezervatynyń qyzmetkerleri 75 gektar aýmaqtaǵy órtti sóndirdi. Al 400 gektar aýmaqtaǵy jalyn ózdiginen óshti. Jalyn sharpyǵan aýmaǵy shamamen 475 gektardy qurady, - delingen habarlamada.