Oralda tuńǵysh ret áýesqoı hokkeıshiler arasynda chempıonat ótti

ORAL. QazAqparat – Oraldaǵy muz aıdyny sport saraıynda shaıbaly hokkeıden ardagerler men áýesqoı komandalar arasynda ótken «Jeńis kýbogy» jarysy márege jetti, dep habarlaıdy QazAqparat tilshisi.

Týrnır Jeńis merekesine oraı 2014 jyldan beri turaqty ótkizilip keledi. BQO shaıbaly hokkeı federatsııasynyń prezıdenti Arkadıı Rýbtsovtyń aıtýynsha, bıyl áýesqoı hokkeıshiler arasynda chempıonat alǵash ret respýblıka deńgeıinde uıymdastyryldy.

Dodaǵa barlyǵy alty komanda qatysyp, júldeli oryndardy sarapqa saldy.

Fınalda «Oral-1» komandasy Qostanaıdan kelgen «Qaıratty» 3:0 esebimen jeńip, chempıon atandy.

Atyraýlyq «Munaıshy» klýby jerlesteri «Prıkaspıets» komandasyn 1:0 esebimen utyp, úshinshi orynǵa kóterildi.

Chempıonat qorytyndysynda Saıat Turysbekov («Munaıshy) – úzdik qaqpashy, Marat Ábdirahmanov («Oral-1») – úzdik qorǵaýshy, Stepan Lýzenınov («Oral-1») – úzdik shabýylshy, Sergeı Leınıng («Qaırat») – úzdik mergen, Ivan Leınıng («Qaırat») - úzdik pas berýshi atalymy boıynsha marapattaldy.

«Oral qalasynyń áýesqoılar lıgasynda jasy alpystan asqan oıynshylar da barshylyq. Olar ózderinen jas hokkeıshilerden qalyspaı, sheberlikterin kórsetip keledi. Eń jasy úlkeni – muz aıdyny sport saraıy komandasynda oınaıtyn 65 jastaǵy Konstantın Zaharov. Elimizde shaıbaly hokkeıdiń keńinen damýyna budan bylaı da atsalysa beretin bolamyz», - dedi QazAqparat tilshisine Arkadıı Rýbtsov.

Budan buryn habarlaǵanymyzdaı, búgin aýyr atletıkadan jasóspirimder arasyndaǵy álem chempıonaty bastalady.