Oralda tuńǵysh Prezıdent kúnine arnalǵan jarys ótti
ORAL. QazAqparat - «Arman» sport kesheninde tuńǵysh Prezıdent kúnine arnalǵan BQO ákimi apparaty, oblystyq basqarmalar qyzmetkerleri arasynda voleıboldan jarys márege jetti, dep habarlaıdy «QazAqparat» tilshisi.
Memlekettik qyzmetshilerdiń sportpen turaqty aınalysýyna yqpal etý, olardyń arasynda salaýatty ómir saltyn ornyqtyrý maqsatynda uıymdastyrylǵan týrnırge 14 komanda quramynda 160-qa jýyq adam qatysty.
Jarys qorytyndysynda oblystyq dene shynyqtyrý jáne sport basqarmasy jeńimpaz atandy. BQO kásipkerlik jáne ındýstrıaldyq-ınnovatsııalyq basqarmasy ekinshi, energetıka jáne turǵyn úı-kommýnaldyq sharýashylyǵy basqarmasy úshinshi orynǵa ıe boldy.
Jekelegen atalymdar boıynsha BQO jolaýshylar kóligi jáne avtomobıl joldary basqarmasy basshysynyń orynbasary Qazbek Meńeev «Týrnır aqsaqaly», qarjy basqarmasynyń bas mamany Naýryz Dáýeshev «Úzdik shabýylshy», kásipkerlik jáne ındýstrıaldyq-ınnovatsııalyq basqarmasynyń bólim basshysy Hasen Toıasov «Úzdik baılanystyrýshy», energetıka jáne turǵyn úı-kommýnaldyq sharýashylyǵy basqarmasynan Qaırat Satymov «Úzdik qorǵaýshy» atalymy boıynsha marapattaldy.
Aıta keteıik, atalmysh jarys ótken jyly alǵash ret uıymdastyrylǵan bolatyn. Aldaǵy ýaqytta da dástúrli túrde ótip turmaqshy.
