Oralda túngi jol apatynan birneshe adam zardap shekti
ORAL. QazAqparat – Oralda túngi jol apatynan birneshe adam zardap shekti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin túnde Zachagan kentinde boldy.
«Zachagansk» dúkenine qarsy bette «VAZ-2110» jáne «VAZ-2111» avtokólikteri soqtyǵysty.
Jol apaty saldarynan «VAZ-2110» avtokóliginde otyrǵan 2001 jylǵy eki jigit synyq jaraqatymen oblystyq kópbeıindi aýrýhanaǵa jatqyzyldy.
Qos avtokólik júrgizýshileri dárigerler qaraǵannan keıin úılerine jiberildi.
Medıtsınalyq kýálandyrýǵa sáıkes «VAZ-2110» avtokóliginiń 1983 jylǵy júrgizýshisi jeńil dárejede mas kúıinde bolǵan.
Oblystyq densaýlyq saqtaý basqarmasynyń naqtylaýynsha, jedel járdem saǵat 00.45-te shaqyryldy. Jol oqıǵasynan zardap shekken úsh adam (onyń bireýi 1996 jylǵy, ekeýi 2001 jylǵy) oblystyq aýrýhananyń jaraqat pýnktine jetkizildi.
Eske sala keteıik, budan buryn BQO-da qos avtokólik soqtyǵysyp, tórt adamnyń jaraqat alǵanyn jazǵan bolatynbyz.
