Oralda túngi klýbta aýyr jaraqat alǵan 27 jastaǵy jigit aýrýhanaǵa tústi
ORAL. QazAqparat – Oraldaǵy «Barvıha» túngi klýbynda aýyr jaraqat alǵan 27 jasar jigit aýrýhanaǵa tústi, dep habarlaıdy QazAqparat tilshisi.
BQO polıtsııa departamentiniń baspasóz hatshysy Bolatbek Belgibekovtiń aıtýynsha, oqıǵa 23 qyrkúıek kúni túngi saǵat 03.00 shamasynda boldy.
Keýda tusynan (besinshi jáne altynshy qabyrǵalarynyń arasynan) alǵan jaraqatymen Syrym aýdanynyń 1992 jylǵy týmasy qalalyq kópbeıindi aýrýhanasyna tústi. Dárigerler qaraǵannan keıin ol statsıonarlyq emdeýge jatqyzyldy.
Qazirgi kezde QR QK 107-baby 1-bóligine sáıkes (densaýlyqqa qasaqana aýyrlyǵy ortasha zııan keltirý) sotqa deıingi tergeý amaldary júrgizilýde.
Sonymen qatar departamenttiń ózindik qaýipsizdik basqarmasymen atalǵan oqıǵaǵa polıtsııa qyzmetkeriniń qatysy bar-joǵy tekserilýde.
Basqa málimet keıin beriletin bolady.
Oblystyq densaýlyq saqtaý basqarmasynyń baspasóz hatshysy Aınagúl Saqposynova keýde tusynan pyshaq jaraqatyn alǵan jigittiń jaǵdaıy aýyr ekendigin jetkizdi.
«Oǵan ota jasaldy. Júregine zaqym kelgen. Qazir jansaqtaý bóliminde jatyr», dedi A.Saqposynova.
