Oralda tún ishinde jalǵan nómirmen júrgen júrgizýshi ustaldy
ORAL. QazAqparat – Oralda tún ishinde jalǵan nómirmen júrgen júrgizýshi ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 8 qyrkúıek kúni saǵat 00.30-da «Qaýipsiz jol» jedel aldyn alý is-sharasy barysynda tirkeldi.
H.Dospanova men F.Neýsypov kósheleriniń qıylysynda KIA Sportage avtokóligi toqtatyldy.
Qujattardy tekserý kezinde avtokóliktiń memlekettik tirkeý nómiri belgileriniń jalǵan ekendigi anyqtaldy.
Soǵan sáıkes QR Ákimshilik quqyqbuzýshylyq kodeksi 590-baby 3-bóligi jáne 4-bóligine (kólik quralyna kórineý jalǵan nemese qoldan jasalǵan memlekettik tirkeý nómiri belgilerin ornatý jáne sol kólik quralyn basqarý) sáıkes hattama toltyryldy.
Sonymen qatar júrgizýshiniń medıtsınalyq kýálandyrýdan bas tartqany úshin atalmysh kodekstiń 613-baby 4-bóligine (ishki ister organy qyzmetkeriniń talaptaryn oryndamaý, alkogoldik, esirtkilik jáne ýytqumarlyq masań kúıin kýálandyrýdan ótýden jaltarý) sáıkes taǵy bir hattama toltyryldy.
Avtokólik arnaıy turaqqa qoıyldy.
Eske sala keteıik, budan buryn Batys Qazaqstanda jalǵan vaktsına qujatyn paıdalanǵan adamnyń ustalǵanyn jazǵan bolatynbyz.
Sondaı-aq BQO-da janarmaı stansasy mańynda avtokólik órtenip ketti.
