Oralda tún ishinde órt bolǵan úıden 41 adam evakýatsııalandy
ORAL. QazAqparat – Oralda tún ishinde órt bolǵan úıden 41 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, 7 sáýir kúni saǵat 00.52-de A.Taımanov kóshesi 221-mekenjaıynda kópqabatty úıden órt shyqqany jóninde habar túsken.
Órt oqıǵasyn barlaý barysynda 8-qabattaǵy №807-5-páterde jıhaz ben jeke zattardyń janyp jatqany anyqtaldy.
Qutqarýshylar atalǵan úıden 41 adamdy alyp shyqty, sonyń 12-si – balalar.
Jeke quramnan 14 qyzmetker 6 tehnıkamen jumyldyryldy.
«Tilsiz jaý» saǵat 01.22-de oqshaýlanyp, 02.05-te tolyqtaı aýyzdyqtaldy.
Zardap shekkender joq.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
Eske sala keteıik, budan buryn BQO-da turǵyn úılerdi sý basý qaýpi týyndaǵanyn jazǵan bolatynbyz.
