Oralda tirkelmegen jabdyq úshin medıtsına ortalyǵyna jarty mln teńge aıyppul salyndy

ORAL. KAZINFORM – Oral qalasy ákimshilik quqyq buzýshylyq jónindegi mamandandyrylǵan sotynda QR Ákimshilik quqyq buzýshylyq kodeksi 426-baby 3-bóligine sáıkes is qaraldy.

BQO sotynyń baspasóz qyzmetinen málim etkenindeı, ýákiletti memlekettik organ júrgizgen tekserý barysynda Oral qalasynda «Garmonııa» BFS mekemesinde Qazaqstanda tirkelmegen, Reseıde óndirilgen fototerapııalyq qyzyl sáýleli jaryqdıodty qurylǵynyń saqtalǵany anyqtaldy.

Sotta medıtsınalyq ortalyqtyń ókili satýshynyń 2021 jyly taýar-medıtsınalyq buıymǵa tirkeý kýáligin bergenin málimdedi. 

Quqyq buzýshylyqtyń jasalǵany ákimshilik quqyq buzýshylyq týraly hattamamen, tekserý taǵaıyndaý jáne tekserý nátıjeleri týraly aktilermen, taraptardyń túsindirmelerimen, istiń basqa materıaldarymen rastalady.

- Atalmysh JShS adam densaýlyǵyna zııan keltirmeıtin tirkelmegen medıtsınalyq buıymdardy satyp alý, tasymaldaý, saqtaý belgileri boıynsha quqyq buzýshylyqqa barǵan. Sot medıtsına ortalyǵyna 516 880 teńge kóleminde aıyppul saldy. Sonymen qatar medıtsınalyq jabdyq tárkileýge jatady. Sot sheshimi zańdy kúshine endi, - dep habarlady vedomstvodan.

Eske sala keteıik, budan buryn Oralda tóbeles kezinde er adamnyń qulaǵyn kesip alǵan turǵynnyń sottalǵanyn jazǵan bolatynbyz.