Oralda transformator órtenip, qalanyń ortalyq bóligi jaryqsyz qaldy
ORAL. QazAqparat – Oralda transformator órtenip, qalanyń ortalyq bóligi jaryqsyz qaldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 26 jeltoqsan kúni keshkisin Karev kóshesi 23-mekenjaıda oryn aldy.
Saǵat 19.51-de transformator podstansasynyń tóbesi órtengeni jóninde habar túsken.
Aýmaǵy 30 sharshy metrdi qamtyǵan órt saǵat 20.37-de oqshaýlanyp, 20.44-te sóndirildi. Ony aýyzdyqtaýǵa 8 adam, 3 tehnıka jumyldyryldy.
Oral qalasy ákiminiń baspasóz qyzmeti málim etkenindeı, órt saldarynan shahardyń ortalyq (Saraıshyqtan Pýgachev kóshesine deıingi) bóligi jaryqsyz qaldy.
Qazirgi kezde Karev kóshesi – Chagano-Naberejnaıa – Ǵ.Qarash – N.Nazarbaev dańǵyly aralyǵynda jaryqty qalpyna keltirý jumystary júrgizilýde.
