Oralda Toıota kóligi býtıkke soǵylyp, júrgizýshi jaraqat aldy

ORAL. QazAqparat – Oralda «Toıota» kóligi býtıkke soǵylyp, júrgizýshi jaraqat aldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 14 tamyz kúni saǵat tańǵy 04.00-de Ábilqaıyr han dańǵylynda boldy.

38 jastaǵy júrgizýshi avtokóliktiń rýline ıe bola almaı, «Mereı» bazarynyń býtıgine soqtyǵysqan. Ol ishimdik ishpegen.

Jol apaty saldarynan júrgizýshi aýrýhanaǵa jetkizildi.

Aldyn ala málimet boıynsha júrgizýshi jabyq bas-mı jaraqatyn alyp, mıy shaıqalǵan.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Oralda jolaýshylar avtobýsynyń jaıaý júrginshini qaǵyp ketkenin jazǵan

bolatynbyz.