Oralda toı saraıy balalar shyǵarmashylyǵy ortalyǵyna aınaldy
ORAL. QazAqparat – Oralda «Toı saraıy» meıramhanasy qaıta jasaqtalyp, «Shabyt» balalar shyǵarmashylyǵy ortalyǵyna aınaldy, dep habarlaıdy QazAqparat tilshisi.
Jańa ortalyqtyń ashylý rásimine qatysqan qala ákimi Abat Shynybekovtiń atap ótkenindeı, Prezıdent Qasym-Jomart Toqaevtyń qoldaýymen ekonomıkanyń barlyq salasyn damytý baǵytynda jumystar atqarylýda.
Koronavırýs indetine baılanysty kóptegen kafe, meıramhanalardyń jumysyn toqtatqany belgili. Osy oraıda oblys ákimi Ǵalı Esqalıev jańa kásipke bet burǵysy keletin osyndaı nysan ıelerine memleket tarapynan qoldaý kórsetý týraly tapsyrma bergen bolatyn.
Zachagan kentinde balalar shyǵarmashylyǵy ortalyǵyn ashý Táýelsizdiktiń 30 jyldyǵy toılanatyn jyldaǵy osy baǵytta atqarylatyn jumystardyń alǵashqy qarlyǵashy deýge bolady. Aldymen balany qýant degen osy bolsa kerek.
Oral qalalyq bilim berý bóliminiń mektepten tys jumys ortalyǵyna qarasty «Shabyt» shyǵarmashylyq ortalyǵynda 14 úıirme jumys isteıdi. Atap aıtqanda, balalar vokal, bı, dombyra, toǵyzqumalaq, qolóner, shahmat, arqan esý, qummen sýret salý, kondıterlik taǵamdar daıyndaý, beıneleý ónerine úırenetin bolady. ıAǵnı qosymsha bilim alyp, sheberlikterin jetildiredi.
Meıramhana ıesi Nurjan Ábdirahmanov nysannyń qańyrap, bos turǵanynan góri jas jetkinshekterdiń ıgiligine berilip jatqanyna qýanyshty ekendigin bildirdi.
Onyń sózine qaraǵanda, 2017 jyly irge kótergen meıramhana indet sheńgelin salǵan byltyrǵy naýryzdan beri jumysyn toqtatqan eken.
«Memlekettik portaldan ortalyqqa jalǵa alýǵa ǵımarat izdestirilip jatqany jónindegi habarlandyrýdy kórip, konkýrsqa qatystym. Ǵımaratqa ishki jóndeý jumystaryn júrgizip, kerekti qural-jabdyqtarmen qamtamasyz ettim», dedi N.Ábdirahmanov.
Qalalyq bilim berý bólimi málim etkenindeı, oblys ortalyǵynda oqýshy sany 52 myńnan asady. Buǵan deıin shahardaǵy alty bilim berý mekemesinde 13 myń oqýshy qosymsha bilimmen qamtylsa, endi Zachagan kentindegi balalarǵa da sondaı múmkindik berilip otyr.
Eske sala keteıik, budan buryn Batys Qazaqstanda 600-den astam adamnyń koronavırýsqa qarsy ekpe saldyrǵanyn, oqýshylar men muǵalimder arasynda indet juqtyrý kóbeıip otyrǵanyn jazǵan bolatynbyz.
