Oralda tótenshe jaǵdaılar basqarmasynyń basshysy 22 myń teńge para alǵan

ORAL. QazAqparat  - Oral qalalyq sotynyń úkimimen sybaılas jemqorlyq qylmysyn jasaǵan qalalyq tótenshe jaǵdaılar basqarmasynyń burynǵy basshysy Marlen Sársenǵalıev aıypty dep tanyldy, dep habarlaıdy QazAqparat tilshisi.

Qalalyq sottan túsken málimetke qaraǵanda, QR QK 366-baby 2-bóligine sáıkes 1982 jylǵy M.Sársenǵalıevke múlkin tárkileýsiz paranyń 60 eselengen mólsherinde, ıaǵnı 1,320 mln teńge aıyppul salyndy.

Sot talqysynda belgili bolǵandaı, bıylǵy naýryz-sáýir aılarynda M.Sársenǵalıev qyzmetkerlerdiń órt qaýipsizdigin bilý boıynsha oqymaǵanyn jáne emtıhannan ótpegenin bile tura, qaladaǵy bir JShS-nyń biliktilik jónindegi komıssııasynyń májilis hattamasyna qol qoıǵan. Sodan keıin hattama negizinde 22 qyzmetkerge kýálik berilgen.

Osylaısha M.Sársenǵalıev laýazymdy qyzmetker bola tura, uıaly telefonynyń balansyna aýdarý jolymen 22 myń teńge kóleminde para alǵan.

Sot úkimi zańdy kúshine engen joq.

Eske sala keteıik, budan buryn Oral qalalyq sotynyń úkimimen óńirdiń qyryqqa jýyq turǵynyn aldap ketken ózbekstandyq azamattyń sottalǵanyn jazǵan bolatynbyz.