Oralda tótenshe jaǵdaı rejımin buzǵan kafe ıesine aıyppul salyndy
ORAL. QazAqparat – Oralda tótenshe jaǵdaı rejımin buzǵan kafe ıesine aıyppul salyndy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, quqyqbuzýshylyq 18 naýryz kúni túngi reıdtik sharalar kezinde anyqtaldy.
Tótenshe jaǵdaı talabyna sáıkes túngi 22.00-den keıin jumysyn toqtatýy tıis bolsa da, «Tengrı» kafesinde (ıesi 1984 jylǵy azamat) adamdardyń kóńil kóterip otyrǵany anyqtaldy.
Kafe ıesine qatysty Oral qalasy polıtsııa basqarmasynyń qyzmetkerleri QR Ákimshilik quqyqbuzýshylyq kodeksi 476-babyna sáıkes (tótenshe jaǵdaı rejımin buzǵany úshin) ákimshilik hattama toltyryldy.
Oral qalasy mamandandyrylǵan ákimshilik sotynyń sheshimimen kafe ıesi ákimshilik jaýapkershilikke tartylyp, oǵan 10 AEK kóleminde aıyppul salyndy.
Bul – tótenshe jaǵdaı rejımin buzý boıynsha óńirdegi birinshi derek.
Eske sala keteıik, budan buryn BQO-da koronavırýs tirkeldi degen jalǵan aqparattyń taralǵanyn jazǵan bolatynbyz.
