Oralda tórt jasóspirim 13 jasar qyzdy zorlaǵan
ORAL. QazAqparat – Oral qalasynda tórt jasóspirim 13 jasar qyzdy zorlaǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkenindeı, oqıǵa 12 maýsymǵa qaraǵan túni boldy.
«Shamamen saǵat 01.00-de 2006 jáne 2007 jyly týǵan tórt jasóspirim Oral qalasynda jalǵa alǵan páterde 13 jasar qyzdy zorlaǵan. Atalǵan jasóspirimder buryn qylmys jasaǵandary úshin esepte turǵan. Atalǵan derek boıynsha QR QK 120-baby 4-bóligine (zorlaý) sáıkes sotqa deıingi tergeý amaldary júrgizilýde. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy», dep habarlady vedomstvodan.
Eske sala keteıik, budan buryn Oralda 37 jastaǵy áıeldiń alty kúnnen beri izdestirilip jatqanyn jazǵan bolatynbyz. Áıel aman-esen tabyldy.
