Oralda tórt jasar qyz bala tórtinshi qabattyń terezesinen qulap ketti
ORAL. QazAqparat - Oralda tórt jasar qyz bala tórtinshi qabat terezesinen qulap ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 18.04-te Almaty kóshesi 109/1-mekenjaıynda ornalasqan 5 qabatty úıde boldy.
Ata-anasynyń qaraýynsyz qalyp, tórtinshi qabattan qulaǵan 2017 jylǵy qyz aýrýhanaǵa jatqyzyldy. Jaǵdaıy ortasha aýyr.
Aldyn ala málimetke qaraǵanda, jabyq bas-mı jaraqatyn alyp, mıy shaıqalǵan. Murny synyp, ishinen de jaraqat alǵan.
Osymen óńirde jyl basynan beri alty bala terezeden qulap, bireýi kóz jumdy.
Oblystyq densaýlyq saqtaý basqarmasynyń naqtylaýynsha, jedel járdem saǵat 18.04-te shaqyrtylyp, brıgada bes mınýttan keıin jetti. O qıǵanyń jaı-japsary anyqtalý ústinde.
Qazirgi kezde oblystyq kópbeıindi balalar aýrýhanasynyń travmatologııa bólimshesinde jatqan qyzdyń jaǵdaıy turaqty.
Eske sala keteıik, budan buryn Oralda jeti jasar balanyń úshinshi qabattan qulap ketkenin jazǵan bolatynbyz.
