Oralda tórt jasar balany urlap ketpek bolǵan kúdikti ustaldy
ORAL. QazAqparat - Oralda tórt jasar balany urlap ketpek bolǵan 1992 jylǵy turǵyn ustaldy, dep habarlaıdy «QazAqparat» tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, keshe túski 12.30 shamasynda jábirlenýshi áıelden belgisiz bireýdiń balany urlap áketpek bolǵany jóninde habarlama túsken. Áıel balalarymen seıildeýge shyqqan. Sol kezde jas jigit onyń tórt jasar ulyn kóterip alyp, qashpaq bolǵan. Biraq adamdar aıqaılaǵannan keıin laqtyryp tastap ketken.
Qylmystyń izi sýymaı ashylyp, buryn birneshe ret sottalǵan K. degen azamat qolǵa tústi. Ol osy áreketke barǵan kezde ishimdik ishken bolyp shyqty.
Qazirgi kezde QR QK 125-babyna sáıkes qylmystyq is qozǵalyp, tergeý amaldary júrgizilýde. Kúdikti ýaqytsha oqshaýlaý ızolıatoryna qamaldy.
