Oralda tórt jasar balany urlamaq bolǵan turǵyn alty jylǵa sottaldy
ORAL. QazAqparat - Oral qalasynda tórt jasar balany urlamaq bolǵan turǵyn alty jylǵa sottaldy, dep habarlaıdy «QazAqparat» tilshisi.
Oral qalalyq sotynan túsken málimetke qaraǵanda, ótken jyly 21 qarasha kúni V.Kolesnıkov 2013 jylǵy A-ny kóterip alyp, kóshemen qasha jónelgen. Alaıda A-nyń anasynyń artynan qalmaı, kómek surap, qýyp kele jatqanyn kórgen ol balany tastap, oqıǵa ornynan boı tasalaǵan.
Bul is kelisý óndirisinde qaraldy.
Oral qalalyq sotynyń úkimimen V.Kolesnıkov QR QK 125-baby 2-bóligi 5-tarmaǵyna sáıkes aıypty dep tanylyp, QR QK 55-baby 6-bóligi qoldanyla otyryp, ol alty jylǵa bas bostandyǵynan aıyrý jazasyn qaýipsizdigi orta qylmystyq-atqarý júıesi mekemesinde óteýge sottaldy.
BQO sotynyń apellıatsııalyq sot alqasynyń qaýlysymen sot úkimi ózgertýsiz, V.Kolesnıkovtiń shaǵymy qanaǵattandyrýsyz qaldyryldy.
Sot úkimi zańdy kúshine endi.
