Oralda tórt kólik soqtyǵysty
ORAL. QazAqparat - Oralda tórt avtokólik túıisip, adamdar jaraqattandy, dep habarlaıdy QazAqparat tilshisi.
Búgin tańerteń 2-baza aýdanyndaǵy kópirde «Reno», «Aýdı», «Mıtsýbısı» jáne «Folksvagen» avtokólikteri soqtyǵysty. Saldarynan úsh adam zardap shekti. Jol boıynda kólik keptelisi týyndady.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge shaqyrtý saǵat 08.36-da túsken. 6 mınýttan keıin brıgada oqıǵa ornyna jetken.
1985 jylǵy er adam, 1984 jáne 1987 jylǵy áıel adamdar oblystyq klınıkalyq aýrýhanaǵa jetkizildi. Aldyn ala málimetke qaraǵanda, olardyń úsheýi de jabyq bas-mı jaraqatyn alǵan.
Oqıǵanyń jaı-japsary anyqtalý ústinde.
