Oralda tórt qabatty úı órtenip, 13 adam evakýatsııalandy
ORAL.QazAqparat – Oralda turǵyn úıdiń tóbesi órtenip, 13 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, 9 qarasha kúni saǵat 14.14-te N.Nazarbaev dańǵyly 232-mekenjaıynda tórt qabatty úıdiń tóbesi janǵan.
Aýmaǵy 25 sharshy metrdi quraǵan órt 14.42-de oqshaýlanyp, 15.00-de sóndirildi.
Turǵyn úıden 13 adamshyǵarylsa, sonyń ekeýi – balalar.
«Tilsiz jaýdy»aýyzdyqtaýǵa jáne adamdardy evakýatsııalaýǵa 17 qyzmetker, 5 tehnıka, polıtsııadan 4 qyzmetker, 2 tehnıka jumyldyryldy.
Keshe sondaı-aq, saǵat 21.23-te Bórli aýdany Prıýral aýylynda turǵyn úı aýlasynda 20 tonna pishen janyp ketti. Órt búgin 00.31-de oqshaýlanyp, 02.52-de sóndirildi (2 adam, 1 tehnıka).
