Oralda tórt avtokólik soqtyǵysyp, 6 adam aýrýhanaǵa jetkizildi
Turǵyndardyń sózine qaraǵanda, oqıǵa 24 maýsym kúni túsqaıta Zachagan kentinde E.Brýsılovskıı kóshesi men Oral-Saratov joly qıylysynda boldy.
«Deý Neksııa», «Lada Largýs», «Shkoda» jáne «Lada Prıora» avtokólikteri túıisken.
BQO densaýlyq saqtaý basqarmasy baspasóz qyzmetiniń naqtylaýynsha, Zachagan kenti Birlik kóshesi 35-úı tusynda oryn alǵan jol-kólik oqıǵasy boıynsha jedel járdem saǵat 16.35-te shaqyryldy.
«Bes mınýttan keıin jetken jedel járdem brıgadasymen 2010, 2013, 2017 jáne 2015 jylǵy 4 bala oblystyq kópbeıindi balalar aýrýhanasyna jetkizildi. 2010 jylǵy qyz jaq-súıek, bet hırýrgııasy bólimshesine statsıonarǵa jatqyzyldy. Qalǵan úsheýi jaraqattary jeńil bolǵandyqtan, ambýlatorlyq em alýǵa úılerine jiberildi. Barlyq patsıentterdiń bas-súıek, ish qýystary, aıaq-qoldary rentgen apparatyna túsirildi. 1988 jylǵy júkti áıelge qalalyq kópbeıindi aýrýhanada kómek kórsetildi. Medıtsınalyq tekserýden keıin ol úıine jiberildi. Jaǵdaıy qalypty. 2000 jylǵy jigit te travmatolog, neırohırýrg qaraǵannan keıin ambýlatorlyq em alatyn boldy», dep habarlady vedomstvodan.
BQO polıtsııa departamenti oqıǵany rastap, aqparatty keıin beretinin jetkizdi.
Eske sala keteıik, budan buryn Oralǵa toıǵa kelgen túrkııalyq zańsyz mıgranttyń ustalyp qalǵanyn jazǵan bolatynbyz.