Oralda tórt avtokólik soqtyǵysyp, 4 adam zardap shekti
ORAL. QazAqparat - Oralda tórt avtokólik soqtyǵysyp, 4 adam zardap shekti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmeti málim etkenindeı, oqıǵa búgin munaı bazasy aýdanyndaǵy kópirde boldy. Jedel járdem saǵat 11:50-de shaqyryldy.
Jol apaty saldarynan mıy shaıqaldy degen kúdikpen 21 jastaǵy jigit, 35 jáne 77 jastaǵy áıel adamdar oblystyq kópbeıindi aýrýhanaǵa jetkizildi.
Zardap shekken 22 jastaǵy jigit aýrýhanaǵa jatýdan bas tartty.
Qazirgi kezde oqıǵanyń jaı-japsary anyqtalý ústinde.
BQO polıtsııa departamenti baspasóz qyzmetiniń naqtylaýynsha, saǵat 11.50 shamasynda BMV avtokóliginiń júrgizýshisi A.Taımanov kóshesi jaǵynan kele jatyp, rýlge ıe bola almaı, avtokópirdiń jıektasyna soǵylǵan. Sodan keıin joldyń qarsy jolaǵyna shyǵyp ketken. Sonyń saldarynan tórt avtokólik túıisip, tórt adam medıtsınalyq kómekke júgindi.
BMV avtokóliginiń júrgizýshisine qatysty QR Ákimshilik quqyqbuzýshylyq kodeksi 610-babyna sáıkes hattama toltyryldy.
