Oralda top bolyp jınalǵan 21 jasóspirim polıtsııaǵa jetkizildi

ORAL. KAZINFORM - Oralda áleýmettik jelide jastardyń tóbeleskeni týraly beınejazba tarady.

BQO polıtsııa departamentiniń baspasóz qyzmetinen málim etkenindeı, Zachagan kentinde tóbeles bolǵandyǵy jónindegi habar shyndyqqa sáıkespeıdi.

Jedel is-sharalar barysynda 10 maýsymda polıtsııa basqarmasyna qala men aýdan mektep, kolledjderinde oqıtyn 21 jasóspirim jetkizildi.

Tekserý barysynda kolledjdiń eki stýdenti arasyndaǵy jeke kıkiljiń jasóspirimderdiń jınalýyna sebep bolǵany anyqtaldy. Olar qarym-qatynasty odan ári anyqtaý úshin kezdesýge kelisken.

- Ultaralyq janjal deregi anyqtalmady. Talas-tartys turmystyq sıpatta bolǵan. Kámeletke tolmaǵandardyń 16 zańdy ókiline qatysty QR Ákimshilik quqyq buzýshylyq týraly kodeksiniń 127-babyna, eki jasóspirimge 435-babyna sáıkes ákimshilik hattama toltyryldy. Materıaldar Oral qalasy ákimdigi janyndaǵy kámeletke tolmaǵandar isteri jónindegi komıssııaǵa joldandy. Oqý oryndaryna tıisti sharalar qabyldap, profılaktıkalyq jumys júrgizý úshin uıǵarym jiberildi, - dep habarlady vedomstvodan.

Eske sala keteıik, budan buryn BQO-da jol erejesin buzǵan 3 300-ge jýyq júrgizýshiniń jaýapqa tartylǵanyn jazǵan bolatynbyz.