Oralda tokqa soǵylǵan «KamAZ» júrgizýshisi kóz jumdy
ORAL. QazAqparat - Búgin M.Sholohov kóshesi boıyndaǵy «Zolotaıa teşa» bazary mańynda qaıǵyly oqıǵa oryn aldy, dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, «KamAZ» avtokóliginiń 1962 jylǵy júrgizýshisi kýzovtaǵy topyraqty aýdarǵan kezde joǵary voltty symǵa tıip, sodan tokqa soǵylyp, kóz jumǵan. Bul jóninde órt sóndirýshilerge habar saǵat 11.42-de túsken. Avtokóliktiń dóńgelekteri janǵan. Ol 13.05-te sóndirilgen. Buǵan 5 adam, 1 tehnıka qatystyrylǵan.
Qazirgi kezde osy oqıǵaǵa baılanysty tergeý amaldary júrgizilýde.
