Oralda toq soqqan elektrık qaza boldy
ORAL. QazAqparat – Oralda toq soqqan elektrık qaza boldy, dep habarlaıdy QazAqparat tilshisi.
Budan buryn jazǵanymyzdaı, 24 jeltoqsan kúni Zachagan kentindegi «Batys Qazaqstan elektr jelilerin taratý kompanııasy» AQ-ǵa qarasty qosalqy stansada 49 jastaǵy elektrıkti tok soǵyp, denesin 80 paıyz kúıik shalǵan edi.
Oblystyq densaýlyq saqtaý basqarmasynyń málim etkenindeı, er adam senbi kúni kóz jumdy.
Jaqyndarynyń sózine qaraǵanda, marqumnyń sońynda áıeli, úsh balasy qaldy. Sol balalaryn jetildiremin dep, qalaǵa kóship kelip, jumysqa turǵan eken.
BQO boıynsha eńbek ınspektsııasy basqarmasynyń basshysy Asylulan Dosjanov osy oqıǵa boıynsha tekserý júrgizilip jatqanyn, sonyń qorytyndysyna sáıkes taraptardyń jaýapkershiligi anyqtalatynyn jetkizdi.
Eske sala keteıik, budan buryn Oral qalasynyń birqatar bóligi jaryqsyz qalǵanyn jazǵan bolatynbyz.
