Oralda tok soqqan elektrık aýyr jaraqat aldy
ORAL. QazAqparat – Oralda tok soqqan elektrık aýyr jaraqat aldy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, oqıǵa búgin túste Zachagan kentinde boldy.
Kenttegi 25-Chapaev dıvızııasy kóshesi 25-mekenjaıynda ornalasqan «Batys Qazaqstan elektr jelilerin taratý kompanııasy «AQ»-ǵa qarasty qosalqy stansaǵa jedel járdem saǵat 13.30-da shaqyryldy.
Osynda elektrık bolyp jumys isteıtin 49 jastaǵy er adamnyń basy men denesin 80 paıyz kúıik shalǵan. Ol aýyr jaǵdaıda oblystyq kópbeıindi aýrýhanaǵa jetkizildi.
BQO TJ departamenti baspasóz qyzmeti bolǵan oqıǵany rastap, elektrıkti jumys jasap jatqan kezde tok soqqanyn jetkizdi.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn BQO-da indet juqtyrǵan júkti áıeldiń alys aýdannan sanavıatsııamen jetkizilgenin jazǵan bolatynbyz.
