Oralda tok soqqan bala aýrýhanaǵa jatqyzyldy
ORAL. KAZINFORM — Oral qalasynda elektr podstantsııasy mańynda oqys oqıǵa boldy.
BQO Polıtsııa departamentiniń baspasóz qyzmetinen málim etkenindeı, 30 sáýir kúni podstantsııa tóbesinde 2015 jylǵy ul balany tok soqqan.
- Bala aýrýhanaǵa jatqyzyldy. Qazir oqıǵanyń mán-jaıy anyqtalý ústinde. Atalǵan derek boıynsha qylmystyq is qozǵalyp, tergeý amaldary júrgizilip jatyr, - dep habarlady vedomstvodan.
Turǵyndardyń sózine qaraǵanda, bala tóbede turyp qalǵan dopty alyp, jerge laqtyryp jibergen. Sodan tómen túskende, tok soqqan.
BQO Densaýlyq saqtaý basqarmasy baspasóz qyzmetiniń naqtylaýynsha, qazir tórtinshi dárejeli kúıik jaraqatyn alǵan 9 jastaǵy bala oblystyq kópbeıindi balalar aýrýhanasynda jatyr. Apparatpen tynys alyp jatyr, jaǵdaıy aýyr. Denesiniń 95 paıyzyn kúıik shalǵan.
Eske sala keteıik, budan buryn Oralda júk kóligi qaǵyp ketken 5 jasar balanyń jansaqtaý bóliminde jatqanyn jazǵan bolatynbyz.