Oralda tok soqqan 10 jastaǵy bala kóz jumdy
ORAL. KAZINFORM — Oral qalasyna qarasty Krýgloozernyı kentinde 10 jastaǵy bala podstantsııada tokqa soǵylyp qaldy.
BQO polıtsııa departamentiniń baspasóz qyzmetinen málim etkenindeı, qaıǵyly oqıǵa 1 qyrkúıek kúni boldy.
Bala sol jerde jan tapsyrǵan.
Qazirgi kezde osy oqıǵaǵa baılanysty qylmystyq is qozǵalyp, sotqa deıingi tergeý amaldary júrgizilip jatyr.
Basqa aqparat QR Qylmystyq is júrgizý kodeksiniń 201-babyna sáıkes jarııa etýge jatpaıdy.
— Polıtsııa ata-analar men zańdy ókilderge balalarǵa qaýipsizdik erejelerin túsindirý qajettigin eske salady. Podstantsııalar men elektrmen jabdyqtaýdyń basqa da nysandary adam ómiri men densaýlyǵy úshin qaýipti sanalady. Sondyqtan mundaı nysandar aýmaǵyna jasóspirimderdiń kirýine qatań tyıym salý kerek, — dep habarlady vedomstvodan.
Kúni búgin oqıǵanyń tolyq mán-jaıy anyqtalý ústinde.
Eske salaıyq, budan buryn Oralda qyzdy urǵan er adamǵa qatysty qylmystyq is qozǵalǵanyn jazǵan edik.
