Oralda toǵyzqumalaqtan erler arasyndaǵy Qazaqstan chempıonaty máresine jetti
Mádenıet jáne sport mınıstrligi men BQO dene shynyqtyrý jáne sport basqarmasy uıymdastyrǵan jarysqa elimizdiń úsh qalasy men toǵyz oblysynan 80-ge jýyq sportshy qatysyp, baq synady.
Jeti kúnge sozylǵan birinshilik qorytyndysynda toǵyzqumalaqtyń klassıkalyq túrinen Aqtóbe oblysynyń komandasy chempıon atansa, pavlodarlyqtar ekinshi, qaraǵandylyqtar úshinshi orynǵa kóterildi.
Blıts túrinen qyzylordalyqtar ozyq shyqsa, aqtóbelikter ekinshi, BQO quramasy úshinshi satydan kórindi.
«Bıyldan bastap chempıonat klassıkalyq jáne blıts túri bolyp eki topqa bólindi. Birinshi oryn alǵan toǵyzqumalaqshylar sport sheberi normatıvin oryndaıdy. Sondaı-aq Qazaqstan ulttyq quramasy sapyna kirip, el namysyn qorǵaıtyn bolady», - dedi QazAqparat tilshisine Qazaqstannyń toǵyzqumalaqtan memlekettik jattyqtyrýshysy Dáýlet Ábdikárimov.
