Oralda toǵyzqumalaqtan el chempıony atanǵan sportshylarǵa qurmet kórsetildi
ORAL. QazAqparat - «Nur Otan» partııasy oblystyq fılıaly tóraǵasynyń birinshi orynbasary Serik Súleımen toǵyzqumalaqtan Qazaqstan komandalyq chempıonatynda jeńimpaz atanǵan BQO quramasy múshelerin qabyldap, qurmet kórsetti, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, S.Súleımen toǵyzqumalaq sheberlerine aldaǵy jarystarda da sáttilik tiledi. Olarǵa kýbok pen baǵaly syılyqtar tabys etildi. Sharaǵa "Uniserv" kompanııasy demeýshilik etti.
Dáýlet Ábdikárimov jattyqtyratyn toǵyzqumalaq sheberleri Qyzylorda qalasynda ótken komandalyq chempıonatta top jarǵan bolatyn. Sonymen qatar osy birinshilik qorytyndysy boıynsha Jarashan Saǵynbaev QR sport sheberi ataǵyna ıe bolǵan edi.
