Oralda toǵyzqumalaqtan BQO chempıonaty márege jetti

ORAL. QazAqparat – Oral qalasyndaǵy №2 balalar-jasóspirimder sport mektebinde «Rýhanı jańǵyrý» baǵdarlamasy aıasynda toǵyzqumalaqtan jastar men qyzdar arasynda BQO jekeleı chempıonaty márege jetti, dep habarlaıdy QazAqparat tilshisi.

Toǵyzqumalaqty odan ári damytý jáne sportshylar sheberligin shyńdaý maqsatynda BQO dene shynyqtyrý jáne sport basqarmasy uıymdastyrǵan jarysqa aýdandar men qaladan 10 komanda quramynda 106 toǵyzqumalaqshy qatysty.

Atap aıtqanda, Jańaqala, Tasqala, Shyńǵyrlaý, Bórli aýdandary men Oral qalasynan kelgen sportshylar baq synady.

Toǵyzqumalaqtan BQO quramasynyń aǵa jattyqtyrýshysy Jarashan Saǵynbaevtyń aıtýynsha, joǵary deńgeıde tartysty ótken birinshilik qorytyndysynda 17 jastaǵylar arasynda qyzdardan Samıra Orazmuhanbet chempıon atansa, Qaraqat Sálimǵalı ekinshi, Aıdana Amanǵalı úshinshi orynǵa shyqty. Uldardan Ábilmansur Nurǵazınniń mereıi ústem bolsa, Nurshat Jeńisqalı kúmis, Dáýlet Elýbaev qola júldege ıe boldy.

19 jastaǵylar arasynda Aqgúl Baýyrjanqyzy ozyp shyqsa, Azarııa Hamıdýllına ekinshi, Albına Eshmuhan úshinshi júldege ilikti. Uldardan Beıbarys Nurǵazın jeńimpaz atanyp, Taıyr Salhaı kúmis, Beknur Tursynbaı qola medalmen marapattaldy.

21 jastaǵylar arasynda Sandýǵash Bolysbaı, Hanshaıym Orazǵalıeva, Dılnaz Ernııazova úzdik úshtikke ilikti. Sondaı-aq Nurbergen Túsipqalı jeńis tuǵyryna, Beıbarys Joldasqalı ekinshi, Merjan Ergen úshiinshi orynǵa kóterildi.

Barlyq jeńimpaz-júldegerler medaldarmen jáne dıplomdarmen marapattaldy.