Oralda toǵyz qabatty jataqhanada órt shyǵyp, 73 adam evakýatsııalandy
ORAL. QazAqparat - Oralda toǵyz qabatty jataqhanada órt shyǵyp, 73 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin Isataı-Mahambet kóshesi 82/1-mekenjaıynda boldy.
Saǵat 03.27-de órt shyqqany jóninde habar túsken.
Barlaý barysynda birinshi qabattaǵy qosalqy úı-jaıda jeke zattardyń janyp jatqany anyqtaldy.
Jataqhanadan 73 adam, sonyń ishinde 17 bala qaýipsiz jerge shyǵaryldy.
«Tilsiz jaýdy» aýyzdyqtaýǵa 17 adam 6 tehnıkamen qatysty.
Órt saǵat 04.09-da sóndirildi.
Qazirgi kezde órttiń shyǵý sebebi men keltirilgen shyǵyn anyqtalý ústinde.
