Oralda toǵyz qabatty jataqhanada órt shyǵyp, 119 adam evakýatsııalandy
ORAL. QazAqparat – Oralda toǵyz qabatty jataqhanada órt shyǵyp, 119 adam evakýatsııalandy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa 16 sáýir kúni saǵat 21.28-de Eýrazııa dańǵylynda boldy.
Jataqhananyń altynshy qabatyndaǵy 121-páter otqa orandy. Órt aýmaǵy 80 sharshy metrdi qamtydy.
Oqıǵa ornynan 119 adam evakýatsııalansa, sonyń 43-i – balalar.
«Tilsiz jaý» órt sóndirýshilerdiń kúshimen (24 adam, 6 tehnıka) saǵat 22.05-te aýyzdyqtaldy. Oqıǵa ornyna qutqarýshylar da (4 adam, 1 tehnıka) bardy.
