Oralda toǵyz qabatty úıdiń tóbesinen 40 jastaǵy er adam qulap ketti

ORAL. QazAqparat - Oralda toǵyz qabatty turǵyn úıdiń tóbesinen 40 jastaǵy er adam qulap ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 21 tamyz kúni saǵat 09.12-de Qurmanǵazy kóshesi 150-mekenjaıynda ornalasqan 9 qabatty úıde boldy.

Qurylys jumystaryn júrgizý kezinde tóbeden 1981 jylǵy er adam qulap ketip, oqıǵa ornynda mert boldy.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Oralda jas jigittiń Jaıyq ózenine batyp ketkenin jazǵan bolatynbyz.