Oralda toǵyz qabatty turǵyn úıde órt boldy

ORAL. QazAqparat – Oralda toǵyz qabatty turǵyn úıde órt boldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkendeı, oqıǵa 5 qarasha kúni saǵat 21.21-de Zaharov kóshesi 79-mekenjaıynda boldy.

Atalmysh úıdiń ekinshi qabatyndaǵy páterde jeke zattar jandy.

Aýmaǵy 20 sharshy metrdi qamtyǵan órt saǵat 21.42-de oqshaýlanyp, 21.54-te sóndirildi.

TJ departamentiniń kúshimen júregi ustap qalǵan er adam evakýatsııalanyp, jedel járdemge tapsyryldy. 35 adam dalaǵa ózderi shyqqan, olardyń beseýi – balalar.

Atalmysh úıdiń 15 turǵyny úshin arnaıy avtokólikte jylytý pýnkti uıymdastyryldy.

Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.

Eske sala keteıik, budan buryn BQO-da jol apatynan avtokólik ishinde eki adamnyń janyp ketkenin jazǵan bolatynbyz.